پیغمبرِ اسلام حضرت محمد مصطفیٰ صلی اللہ علیہ و آلہ وسلم کی مدحت، تعریف و توصیف، شمائل و خصائص کے نظمی اندازِ بیاں کو نعت یا نعت خوانی یا نعت گوئی کہا جاتا ہے۔عربی زبان میں نعت کیلئے لفظ "مدحِ رسول" استعمال ہوتا ہے۔ اسلام کی ابتدائی تاریخ میں بہت سے صحابہ اکرام نے نعتیں لکھیں اور یہ سلسلہ آج تک جاری و ساری ہے۔ نعتیں لکھنے والے کو نعت گو شاعر جبکہ نعت پڑھنے والے کو نعت خواں یا ثئاء خواں بھی کہا جاتا ہے۔

Friday 10 August 2018

Har Des Main Gunjega Ab Ya Rasool Allah

الحمد لله رب العالمين والصلاة والسلام على سيد الأنبياء والمرسلين أما بعد فاعوذ بالله من الشيطان الرجيم بسم الله الرحمن الرحيم


Hum Sar Pe Kafan Bandhe Maidan Main Nikle Hain
Batil Ke Mehlon Ko Hum Dahne Nikle Hain

Himmat Hai Hame Toko Dam Hai To Hame Roko
Hum Naara-E-Risalat Ko Pehlane Nikle Hain

Har Des Main Gunjega Ab Ya Rasool Allah
Har Shaks Pukarega Ab Ya Rasool Allah

Hum Sari Duniya Main Halchal Si Machadenge
Sarkar Ke Aashiq Hai Rang Apna Jama denge

Milad-E-Nabi Karna Ye Khoon Main Shamil Hai
Is Mission Ki Khatir Hum Din Raat Laga denge

Sarkar Ki Naaton Se Pur Josh Hai Dewane
Milad Ki Mehfil Main Mahool Bana denge

Kyun kar na Manayen Hum Ye Sunni Saqafath hai
Milad Manane Par Sarkar Jaza denge

Sauda Na Kareinge Hum Imaan Na Bechenge
Naamus-E-Risalat Par Duniya Ko Hila denge

Har Nasl Ka Naara Hai Har Qaum Ka Naara Hai
Is Naare Se Logon Ko Aapas Main Mila denge

Islam Jo Mazahab Hai Pegham-E-Mohabbat Hai
Is Aaman Ke Parcham Ko Har Ghar Main Jaga denge

Sarkar Ki Izzat Par Marna Hai Hame Logon
Ye Wada Hamara Hai Sab Kuch Hi Luta denge

Ham Ne Yehi Thani Hai Mannat Yehi Mani Hai
Is Des Ki Mitti Par Khoo(n) Apna Baha denge

Hai Aal-E-Nabi Piyare Ashaab Sitaren Hain
Dono Ki Mohabbat Ko Hum Dil Main Basa denge

Aayen Hain Ujagar Sang Amjad-O-Tahir Bhi
Pegham-E-Nabi Denge Ahkam-E-Khuda denge

Sunday 29 January 2017

Karam Hi Karam Hai

Mera h Aaqa shaan wala...
Mera h Aaqa shaan wala...

Karam hi karam hai Ata hi ata hai Habeeb e khuda hai mera Mustafa ﷺ hai...
Mere jese lakhon gadaoon ka logon jo hajat rawa h mera Mustafa ﷺ h...


Mera h Aaqa shaan wala...
Mera h Aaqa shaan wala...


Meri kyun bulandi pe parwaz na ho
Mujhe apni qismat pe kyu naaz na ho...
Haseenon men jo sb se brh kr haseen hai
Mera dilruba h mera Mustafa ﷺ h...


Mera h Aaqa shaan wala...
Mera h Aaqa shaan wala...


Na shaan aisi khalqat men payega koi
Na aur aisa dunya men aayega koi...
Jo makhlooq men har kisi se hai afzal
Jo sbse bda hai mera Mustafa ﷺ h...

Mera h Aaqa shaan wala...
Mera h Aaqa shaan wala...

Mere paas aao dikhaun main tumko
Wo Aqsa ki masjid ka purkaif manzar...
Wo Nabiyon k jhurmut men sartaj bankar
Jo aage khra hai mera Mustafa ﷺ hai...

Mera h Aaqa shaan wala...
Mera h Aaqa shaan wala...

Btao mujhe Ashk barsaun kyun main
FAROOQI mushkil se ghabraun kyun main...
Ke bad az Khuda har musibat zada ka
Jo hajatrawa hai mera Mustafa ﷺ h...

Mera h Aaqa shaan wala...
Mera h Aaqa shaan wala...

Wednesday 27 April 2016

Aayi phir yaad madeene ki

Aayi phir yaad madeene ki rulane k lye...
dil tarap utha hai darbar me jane k lye...

Kash main urti phirun khak e madina bn kr...
Aur machalti rahun sarakar ko pane k lye...
Mere lajpal ne ruswa kabhi hone na diya...
Jab pukara hai unhe aaye bchane k lye...
Gam nhi chor de ye sara zamana mujhko...
Mere aaqa to hn seene se lgane k lye...

Baksh di naat ki doulat mere Aaqa ne mujhe...
Kitna pyara hai waseela unhe paane k lye...

Phir mayassar mujhe deedar e madeena hoga...
Wo bulayenge mujhe jalwa dikhane k lye...

Ye to bas unka karam hai k wo sun lete hain...
Wrna ye lab kahan faryad sunane k lye...

Sunday 11 October 2015

Wah kya jood o karam hai



واہ کیا جود و کرم ہے شہ بطحی تیرا


کوئی دنیائے عطا میں نہیں ہمتا تیرا

ہو جو حاتم کو میسر یہ نظارا تیرا
کہہ اٹھے دیکھ کے بخشش میں یہ رتبہ تیرا
واہ کیا جود و کرم ہے شہ بطحٰی تیرا
نہیں سنتا ہی نہیں مانگنے والا تیرا


کچھ بشر ہونے کے ناتے تجھے خود سا جانیں


اور کچھ محض پیامی ہی خدا کا جانیں

اِن کی اوقات ہی کیا ہے کہ یہ اتنا جانیں
فرش والے تری عظمت کا علو کیا جانیں
خسروا عرش پہ اڑتا ہے پھریرا تیرا


جو تصور میں ترا پیکر زیبا دیکھیں


روئے والشمس تکیں ، مطلع سیما دیکھیں

کیوں بھلا اب وہ کسی اور کا چہرا دیکھیں
تیرے قدموں میں جو ہیں غیر کا منہ کیا دیکھیں
کون نظروں پہ چڑھے دیکھ کے تلوا تیرا


مجھ سے ناچیز پہ ہے تیری عنایت کتنی


تو نے ہر گام پہ کی میری حمایت کتنی

کیا بتاوں تری رحمت میں ہے وسعت کتنی
ایک میں کیا مرے عصیاں کی حقیقت کتنی
مجھ سے سو لاکھ کو کافی ہے اشارہ تیرا


کئی پشتوں سے غلامی کا یہ رشتہ ہے بحال


یہیں طفلی و جوانی کے بِتائے مہہ و سال

اب بوڑھاپے میں خدارا ہمیں یوں در سے نہ ٹال
تیرے ٹکڑوں پہ پلے غیر کی ٹھوکر پہ نہ ڈال
جھڑکیاں کھائیں کہاں چھوڑ کے صدقہ تیرا


غمِ دوراں سے گھبرائیے ، کس سے کہیے


اپنی الجھن کسے بتلائیے ، کس سے کہیے

چیر کر دل کسے دکھلائیے ، کس سے کہیے
کس کا منہ تکیے ، کہاں جائیے ، کس سے کہیے
تیرے ہی قدموں پہ مٹ جائے یہ پالا تیرا


نذرِ عشاقِ نبی ہے یہ مرا حرفِ غریب


منبرِ وعظ پر لڑتے رہیں آپس میں خطیب

یہ عقیدہ رہے اللہ کرے مجھ کو نصیب
میں تو مالک ہی کہوں گا کہ ہو مالک کے حبیب
یعنی محبوب و محب میں نہیں میرا تیرا


خوگرِ قربت و دیدار پہ کیسی گزرے


کیا خبر اس کے دلِ زار پہ کیسی گزرے

ہجر میں اس ترے بیمار پہ کیسی گزرے
دور کیا جانیے بدکار پہ کیسی گزرے
تیرے ہی در پہ مرے بیکس و تنہا تیرا


تجھ سے ہر چند وہ ہیں قدر و فضائل میں رفیع


کر نصیر آج مگر فکرِ رضا کی توسیع

پاس ہے اس کے شفاعت کا وسیلہ بھی وقیع
تیری سرکار میں لاتا ہے رضا اس کو شفیع
جو مرا غوث ہے اور لاڈلا بیٹا تیرا

Naimatein banta jis samt wo zee shan gya

نعمتیں بانٹتا جس سمت وہ ذیشان گیا
یہ وہ سچ ہے کہ جسے ایک جہاں مان گیا
در پہ آیا جو گدا ، بن کے وہ سلطان گیا
اس کے اندازِ نوازش پہ میں قربان گیا
نعمتیں بانٹا جس سمت وہ ذی شان گیا
ساتھ ہی منشیِ رحمت کا قلمدان گیا
تجھ سے جو پھیر کے منہہ ، جانب قران گیا
سر خرو ہو کے نہ دنیا سے وہ انسان گیا
کتنے گستاخ بنے ، کتنوں کا ایمان گیا
لے خبر جلد کہ اوروں کی طرف دھیان گیا
مرے مولی ، مرے آقا ، ترے قربان گیا
محو نظارہ سرِ گنبد خضری ہی رہی
دور سے سجدہ گزارِ درِ والا ہی رہی
روبرو پا کے بھی محرومِ تماشا ہی رہی
آہ ! وہ آنکھ کہ ناکامِ تمنا ہی رہی
ہائے وہ دل جو ترے در سے پر ارمان گیا
تیری چاہت کا عمل زیست کا منشور رہا
تیری دھلیز کا پھیرا ، میرا دستور رہا
یہ الگ بات کہ تو آنکھ سے مستور رہا
دل ہے وہ دل جو تری یاد سے معمور رہا
سر وہ سر ہے جو ترے قدموں پہ قربان گیا
دوستی سے کوئی مطلب ، نہ مجھے بیر سے کام
ان کے صدقے میں کسی سے نہ پڑا خیر سے کام
ان کا شیدا ہوں ، مجھے کیا حرم و دیر سے کام
انہیں مانا ، انہیں جانا ، نہ رکھا غیر سے کام
للہ الحمد میں دنیا سے مسلمان گیا
احترامِ نبوی داخلِ عادت نہ سہی
شیرِ مادر میں اصیلوں کی نجابت نہ سہی
گھر میں آداب رسالت کی روایت نہ سہی
اور تم پر مرے آقا کی عنایت نہ سہی
نجدیو! کلمہ پڑھانے کا بھی احسان گیا
بام مقصد پر تمناوں کے زینے پہنچے
لبِ ساحل پہ نصیر ان کے سفینے پہنچے
جن کو خدمت میں بلایا تھا نبی نے ، پہنچے
جان و دل ، ہوش و خرد ، سب تو مدینے پہنچے
تم نہیں چلتے رضا سارا تو سامان گیا

Paigam saba layi hai gulzare Nabi se

شکر خدا کہ آج گھڑی اس سفر کی ہے

بیٹھا ہوں رخت باندھ کے ، ساعت سحر کی ہے

رونق عجیب شہرِ بریلی میں گھر کے ہے
سب آکے پوچھتے ہیں عزیمت کدھر کی ہے
شکرِ خدا کہ آج گھڑی اس سفر کی ہے
جس پر نثار جان فلاح و ظفر کی ہے

شوط و طواف و سعی کے نکتے سکھا دئیے

احرام و حلق و قصر کے معنٰی بتا دئیے

رمی و وقوف و نحر کے منظر دکھا دئیے
اس کے طفیل حج بھی خدا نے کرا دئیے
اصلِ مراد حاضری اس پاک در کی ہے

صوم و صلوۃ ہیں کہ سجود و رکوع ہیں

ہر چند شرع میں یہ اہم الوقوع ہیں

حبِ نبی نہ ہو تو یہ سب لا نفوع ہیں
ثابت ہوا کہ جملہ فرائض فروع ہیں
اصل الاصول بندگی اس تاجور کی ہے

جاں وار دوں یہ کام جو میرا صبا کرے

بعد از سلامِ شوق یہ پیش التجا کرے

کہتا ہے اک غلام کسی شب خدا کرے
ماہِ مدینہ اپنی تجلی عطا کرے
یہ ڈھلتی چاندنی تو پہر دو پہر کی ہے

سب جوہروں میں اصل ترا جوہرِ غنا

اس دھوم کا سبب ہے تری چشمِ اعتنا

ممنون تیرے دونوں ہیں ، بانی ہو یا بِنا
ہوتے کہاں خلیل و بِنا کعبہ و مِنٰی
لولاک والے ! صاحبی سب تیرے گھر کی ہے

سر پر سجا کے حمد و ثنا کی گھڑولیاں

وہ عاشقوں کی بھیڑ ، وہ لہجے ، وہ بولیاں

جالی کے سامنے وہ فقیروں کی ٹولیاں
لب وا ہیں ، آنکھیں بند ہیں ، پھیلی ہیں جھولیاں
کتنے مزے کی بھیک ترے پاک در کی ہے

ہے دفترِ نسب میں یہ عزت لکھی ہوئی

قرطاسِ وقت پر ہے یہ خدمت لکھی ہوئی

پُشتوں سے گھر میں ہے یہ عبارت لکھی ہوئی
میں خانہ زادِ کہنہ ہوں ، صورت لکھی ہوئی
بندوں‌کنیزوں میں مرے مادر پدر کی ہے

ہر لمحہ آشنائے تب و تاب ہوگی آب

دنیائے آبرو میں دُرِ ناب ہوگی آب

ان کا کرم رہا تو نہ بے آب ہوگی آب
دنداں کا نعت خواں ہوں ، نہ پایاب ہوگی آب
ندی گلے گلے مرے آبِ گہر کی ہے

دم گُھٹ رہا تھا محبسِ قالب میں بے ہوا

تھا ملتجی نصیر کہ یارب چلے ہوا

اتنے میں‌ دی سروش نے آواز ، لے ہوا
سنکی وہ دیکھ ! بادِ شفاعت کہ دے ہوا
یہ آبرو رضا ترے دامانِ تر کی ہے

Unki mehek ne dil ke gunche khila diye hain

ان کی مہک نے دل کے غنچے کھلا دئیے ہیں
نورِ خدا نے کیا کیا جلوے دکھا دئیے ہیں
سینے کیے ہیں روشن ، دل جگمگا دئیے ہیں
لہرا کے زلفِ مشکیں نافے لٹا دئیے ہیں
ان کی مہک نے دل کے غنچے کِھلا دئیے ہیں
جس راہ چل دئیے ہیں کوچے بسا دئیے ہیں

آنکھیں کسی نے مانگیں ، جلوا کسی نے مانگا
ذرہ کسی نے چاہا ، صحرا کسی نے مانگا
بڑھ کر ہی اُس نے پایا جتنا کسی نے مانگا
مرے کریم سے گر قطرہ کسی نے مانگا
دریا بہا دئیے ہیں ، دُر بے بہا دئیے ہیں

گر یوں ہی رنگ اپنا محشر میں زرد ہوگا
دوزخ کے ڈر سے لرزاں ہر ایک فرد ہوگا
تیرے نبی کو کتنا امت کا درد ہوگا
اللہ! کیا جہنم اب بھی نہ سرد ہوگا
رو رو کے مصطفٰی نے دریا بہا دئیے ہیں

اپنے کرم سے جو دو ، اب تو تمہاری جانب
جو جی میں آئے سو دو ، اب تو تمہاری جانب
پا لو ہمیں کہ کھو دو ، اب تو تمہاری جانب
آنے دو یا ڈبو دو ، اب تو تمہاری جانب
کشتی تمہیں پہ چھوڑی ، لنگر اٹھا دئیے ہیں

لازم نہیں ہے کوئی ایسے ہی رنج میں ‌ہو
جاں پر بنی ہو یا پھر ویسے ہی رنج میں ہو
ان کا غلام چاہے جیسے ہی رنج میں ہو
ان کے نثار ، کوئی کیسے ہی رنج میں ہو
جب یاد آگئے ہیں ، سب غم بھلا دئیے ہیں

اہلِ نظر میں تیرا ذہنِ رسا مسلم
دنیائےِ علم و فن میں ہے تیری جا مسلم
نزدِ نصیر تیری طرزِ نوا مسلم
ملکِ سخن کی شاہی تم کو رضا مسلم
جس سمت آگئے ہو سکے بٹھا دئیے ہیں


Sab se aula o aala hamara Nabi

سب سے اولی و اعلی ہمارا نبی

تیرگی میں اجالا ہمارا نبی
روشنی کا حوالا ہمارا نبی
غیب داں ، کملی والا ہمارا نبی
سب سے اولی و اعلی ہمارا نبی
سب سے والا و اعلی ہمارا نبی

بحر غم میں کنارا ہمارا نبی

چشم عالم کا تارا ہمارا نبی
آمنہ کا دُلارا ہمارا نبی
اپنے مولی کا پیارا ہمارا نبی
دونوں عالم کادولہا ہمارا نبی

جس کی تبلیغ سے حق نمایاں ہوا

بتکدہ جس کی آمد سے ویراں ہوا
جس کے جلووں سے ابلیس لرزاں ہوا
بزمِ آخر کا شمعِ فروزاں ہوا
نورِ اول کا جلوا ہمارا نبی

در پہ غیروں کے زحمت نہ فرمائیے

بھیک لینے مدینے چلے جائیے
کوئی دیتا ہے تو سامنے لائیے
کون دیتا ہے دینے کو منہ چاہیئے
دینے والا ہے سچا ہمارا نبی

پیش داور جو ہے عاصیوں کا وکیل

جس کے ہاتھوں سے منظور ہوگی اپیل
جس کا مکھڑا ہے خود مغفرت کی دلیل
جس کی دو بوند ہیں کوثر و سلسبیل
ہے وہ رحمت کا دریا ہمارا نبی

جس کے عرفاں پے موقوف عرفانِ ذات

جس کی رحمت کے سائے میں ہے کائنات
جس کے در سے نکلتی ہے راہِ نجات
جس کے تلووں کا دھوون ہے آبِ حیات
ہے وہ جانِ مسیحا ہمارا نبی

اللہ اللہ وہ امی و استادِ کل

مچ گیا جس کی بعثت پہ مکے میں غل
رہبر انس و جاں ، منتہائے سبل
خلق سے اولیا ، اولیا سے رسل
اور رسولوں سے اعلی ہمارا نبی

جس کے اذکار کی ہیں سجی محفلیں

دم قدم سے ہیں جس کے یہ سب رونقیں
بزم کونین میں جس کی ہیں تابشیں
بجھ گئیں جس کے آگے مشعلیں
شمع وہ لے کر آیا ہمارا نبی

فرش کو مہر اعزاز جس کے قدم

جس کے ابرو میں اک دلربایانہ خم
وہ جمیل الشیم وہ جلیل الحشم
حسن کھاتا ہے جس کے نمک کی قسم
وہ ملیح دل آرا ہمارا نبی

جیسے مہرِ سما ایک ہے ویسے ہی

جیسے روزَ جزا ایک ہے ویسے ہی
جیسے بابِ عطا ایک ہے ویسے ہی
جیسے سب کا خدا ایک ہے ویسے ہی
اِن کا ، اُن کا ، تمہارا ،ہمارا نبی

کتنے روشن دئیے دم زدن میں بجھے

کتنے سروِ سہی زیر گردوں جھکے
کتنے دریا یہاں بہتے بہتے رکے
کیا خبر کتنے تارے کھلے چھپ گئے
پر نہ ڈوبے نہ ڈوبا ہمارا نبی

زندگی کتنے موتی پروتی رہی

خود میں رنگ تغیر سموتی رہی
بیج کیا کیا تنوع کے بوتی رہی
قرنوں بدلی رسولوں کی ہوتی رہی
چاند بدلی کا نکلا ہمارا نبی

اب نہ دل پہ کوئی بات لیجے کہ ہے

جامِ کوثر کوئی دم میں پیجے کہ ہے
ائے نصیر اب ذرا غم نہ کیجے کہ ہے
غمزدوں کو رضا مژدہ دیجے کہ ہے 
بے کسوں کا سہارا ہمارا نبی

Pul se utaro rah guzar ko khabar na ho

پل سے اتارو ، راہ گزر کو خبر نہ ہو
یوں بخشواو جن و بشر کو خبر نہ ہو

دھل جائیں داغ ، دامنِ تر کو خبر نہ ہو
ایسے گزارو ، نارِ سقر کو خبر نہ ہو
پل سے اتارو ، راہ گزر کو خبر نہ ہو
جبریل پر بچھائیں تو پر کو خبر نہ ہو

دستِ خزاں کی زد میں ہے دل اس فگار کا

مدت ہوئی کہ منہہ نہیں دیکھا بہار کا
دستِ حضور میں ہے شرف ، اختیار کا
کانٹا مرے جگر سے غمِ روزگار کا
یوں کھینچ لیجیے کہ جگر کو خبر نہ ہو

جاں پر بنی ہوئی تھی غمِ انتظار میں

لے آئی مجھ کو دید حسرت مزار میں
حائل نہیں حجاب کوئی اس دیار میں
فریاد امتی جو کرے حالِ زار میں
ممکن نہیں کہ خیرِ بشر کو خبر نہ ہو

ان پر مٹا دے ان کی ولا میں خدا ہمیں

ایسی پلا دے ان کی ولا میں خدا ہمیں
بیخود بنا دے ان کی ولا میں خدا ہمیں
ایسا گما دے ان کی ولا میں‌خدا ہمیں
ڈھونڈا کرے پر اپنی خبر کو خبر نہ ہو

بیٹھا ہے تیری پشت پہ آکر ابھی ابھی

نبیوں کا تاجدار بہ شانِ پیمبری
منزل ہے دور تر ، کوئی ضائع نہ ہو گھڑی
کہتی تھی یہ براق سے اس کی سبک روی
یوں جائیے کہ گردِ سفر کو خبر نہ ہو

مسجود کوئی ذاتِ احد کے سوا نہیں

مانا کہ وہ رسولِ خدا ہیں ، خدا نہیں
جائز کبھی یہ دینِ نبی میں‌ ہوا نہیں
اے شوقِ دل! یہ سجدہ گر ان کو روا نہیں
اچھا وہ سجدہ کیجے کہ سر کو خبر نہ ہو

گہرے کچھ اور ہونے لگے ہیں غموں کے سائے

دشتِ وفا میں کون قدم سے قدم ملائے
اے ضبطِ گریہ! آنکھ میں آنسو نہ آنے پائے
اے خارِ طیبہ ! دیکھ کہ دامن نہ بھیگ جائے
یوں دل میں آ کہ دیدہِ تر کو خبر نہ ہو

انساں کو اذنِ شوخ کلامی نہیں جہاں

پرساں بہ جز رسولِ گرامی نہیں جہاں
ان سا نصیر شافعِ نامی نہیں جہاں
ان کے سوا رضا کوئی حامی نہیں ، جہاں
گزرا کرے پسر پہ پدر کو خبر نہ ہو

Mustafa jaane rehmat pe lakhon salam

مصطفی جان رحمت پہ لاکھوں سلام
صاحب تاجِ عزت پہ لاکھوں سلام
واقفِ راز فطرت پہ لاکھوں سلام
قاسمِ کنزِ نعمت پہ لاکھوں سلام
مصطفی جانِ رحمت پہ لاکھوں سلام
شمع بزمِ ہدایت پہ لاکھوں سلام
جس کو بے چین رکھتا تھا امت کا غم
نیک و بد پر رہا جس کا یکساں‌کرم
وہ حبیب خدا ، وہ شفیع امم
شہر یارِ امم ، تاجدارِ حرم
نوبہارِ شفاعت پہ لاکھوں سلام
سرورِ دو جہاں ، شاہِ جن و بشر
جس کی چوکھٹ پہ جھکتے ہیں شاہوں کے سر
عبدِ خالق ، مگر خلق کا تاجور
صاحب رجعتِ شمس و شق القمر
نائبِ دستِ قدرت پہ لاکھوں سلام
وہ خداوند اقلیمِ جود و سخا
ہادیِ انس و جاں ، شاہ ہر دوسرا
سر بر آوردہ حلقہ انبیا
جس کے زیرِ لوا آدم و من سوا
اُس سزائے سیادت پہ لاکھوں سلام
عہد طفلی میں وہ دلبرانہ چلن
دلستاں خامشی معجزانہ سخن
حسن میں دل کشی ، چال میں بانکپن
اللہ اللہ وہ بچنے کی پھبن
اس خدا بھاتی صورت پہ لاکھوں سلام
سرمگیں آنکھ ما زاغ کی راز داں
حلقہ زلف ، امت کا دارالاماں
ہاتھ فیاض ، عقدہ کشا انگلیاں
پتلی پتلی گلِ قدس کی پتیاں
ان لبوں کی نزاکت پہ لاکھوں سلام
نور افشاں ہوا جب وہ بطحی کا چاند
دیکھنے آئے سب ، روئے طیبہ کا چاند
آسماں پر پڑا ماند دنیا کا چاند
جس سہانی گھڑی چمکا طیبہ کا چاند
اس دل افروز ساعت پہ لاکھوں سلام
جس گھڑی یاد باب حرم آگیا
سوزِ فرقت سے آنکھوں‌میں نم آگیا
موج میں جب وہ عیسی حشم آگیا
جس طرف اٹھ گئی دم میں دم آگیا
اس نگاہِ عنایت پہ لاکھوں سلام
رنج تنہائی ، تنہا سے پوچھے کوئی
دردِ شبیر ، زہرا سے پوچھے کوئی
تہہ میں کیا ہے ، یہ دریا سے پوچھے کوئی
کس کو دیکھا یہ موسی سے پوچھے کوئی
آنکھ والوں کی ہمت پہ لاکھوں سلام
جس کی تقدیس کا رنگ گہرا رہا
جس کے در پر فرشتوں کا پہرا رہا
مغفرت کی سند جس کا چہرا رہا
جس کے ماتھے شفاعت کا سہرا رہا
اس جبینِ سعادت پہ لاکھوں سلام
بندگی جس کے صدقے ٹھکانے لگے
جس کے دیکھے خدا یاد آنے لگے
جس سے روتے ہوئے مسکرانے لگے
جس سے تاریک دل جگمگانے لگے
اس چمک والی رنگت پہ لاکھوں سلام
روئے روشن پہ پڑتی نظر کی قسم
آمنہ کے چمکتے قمر کی قسم
مجھ کو سرکار کے سنگِ در کی قسم
کھائی قرآں نے خاکِ گزر کی قسم
اس کفِ پا کی حرمت پہ لاکھوں سلام
جس کا حامی خداوندِ عالم رہا
فتح کا جس کے ہاتھوں میں پرچم رہا
جس کا رتبہ جہاں میں مسلم رہا
جس کے آگے سرِ سروراں خم رہا
اس سرِ تاجِ رفعت پہ لاکھوں سلام
جس کے آگے سلاطینِ عالم جھکیں
جس کے اک بول پر اہل دل مر مٹیں
جس کی تعمیلِ ارشاد قدسی کریں
وہ زباں‌ جس کو سب کن کی کنجی کہیں
اس کی نافذ حکومت پہ لاکھوں سلام
وقتِ دیدار ، چشم تماشا جھکی
دیکھ کر جلوہ گر ، موجِ دریا جھکی
جس کی آمد پہ دیوارِ کسرٰی جھکی
جس کے سجدے کو محراب کعبہ جھکی
ان بھووں کی لطافت پہ لاکھوں ‌سلام
خیر دنیا نہیں ، خیر عقبٰی نہیں
اس کے دستِ تصرف میں کیا کیا نہیں
جس کی طاقت کا کوئی ٹھکانا نہیں
جس کو بارِ دوعالم کی پروا نہیں
ایسے بازو کی قوت پہ لاکھوں سلام
کون ہے وہ ، کرم جس پہ ان کا نہیں
سب کے ہیں ، ایک میرے ہی آقا نہیں
ایک میں ہی غلام ان کا تنہا نہیں
ایک میرا ہی رحمت پہ دعوی نہیں
شاہ کی ساری امت پہ لاکھوں سلام
خواجہ تاشِ نصیرِ ثنا خواں ، رضا
وہ بریلی کے احمد رضا خاں رضا
لا کے صف میں مجھے ان کے درباں ، رضا
مجھ سے خدمت کے قدسی کہیں ہاں رضا
مصطفی جانِ رحمت پہ لاکھوں سلام